💛 Ons Geloof en Benadering

By Tjokkerjol glo ons dat wanneer ons maatjies veilig voel, ’n roetine het en oorvloedige liefde ervaar, hulle kan blom en optimaal ontwikkel vir die doel waarvoor hulle geskape is.

​

🎲 Speel-speel leer

Ons volg ’n prettige ontwikkelingsprogram waar kinders deur spel aangemoedig word om al hul mylpale en vaardighede te bereik. Só word hulle nie net gereed vir grootskool nie, maar groei ook as sterk, selfbewuste kindertjies wat floreer.

​

🏫 Naskool met ’n hart

Ons eerste babas het só van Tjokkerjol gehou dat hulle ná grootskool weer wou kom kuier. En so het ons naskooltjie ontstaan; ’n plek waar kinders steeds kan speel, leer en kind wees, selfs nadat die skooldag klaar is.

​

👶👧 Ons klassies

• Van 3 maande tot 6 jaar (Gr. R)

• Aparte naskool vir grootskoolkinders

• Verskeie buitemuurse aktiwiteite wat by die skool aangebied word

​

🌳 ’n Wêreld vol pret

By ons wag daar ’n wêreld van ontdekking:

• Fantasie-speletjies en kreatiewe verbeelding

• ’n Groot buitelig-skaakstel vir strategiese dink

• ’n Veilige speelruimte vir babas en klein maats

• ’n Heerlike grasveld vir rol, hardloop en lag in die son

• Ons eie troeteldieretuin wat kinders se harte laat glimlag